السلام عليكم
اعذروني عن الإطاله في كتابة مواضيعي لنظرا لانشغالي اليكم هذا الموضوع اتمنى يعجبكم
خسرت حبك .. بكلمة أحبك
كنت أخاف أقول أحبك وأخسر في الهوى حبك
وكنت أخاف أكتمها ويصيح الشوق فيني يحبك
قلتها غصب عني وأحسب اني ربطت حبي بحبك
ليتني ماقلتها عشان أشوف ايش ردة فعل حبك
الحين بكلمة أحبك خسرت أنا في الهوى حبك
وايش تفيد ياقلبي الحسايف والآهات
وايش تفيد ياقلبي القصايد والأبيات
لا تتعب حالك وبالك بكثر الكلمات
خسرت حبها بكلمة قلتها في لحظات
ماحيفيد الندم غير انه يزيد اللوعات
بسألك بالله يادمعي وايش جنيت من الألم ..
جاوبني يادمعي وايش لقيت من الآه والندم ..
سبحان من ينصر المظلوم خلقنا من العدم ..
وانت يادمعي سبحانه بينصرك خالق القلم ..
وايش ذنبك يادمعي ؟
كل ماشكت عيني
تعانق الخد وتجري
الى وين ولا تدري
آه ياعبرتي .. ياصديقة دمعتي .. شفتي اشلون حالتي ؟
السبب كلمتي .. قلتها على نيتي .. أحبك واتغيرت حالتي !
توقعت تنمحي كربتي .. وأبدأ معه قصتي .. وتحلى معه حالتي !
بس ياللأسف .. خسرت حبه بكلمتي .. وحالتي حاله آه ياحالتي !
بعد ماكنت أنا عزيز وغالي صرت الحين شخص ثاني
مدري هذا دلع من الغالي والا غلط اني أحب ثاني
صارت ياناس حالتي حاله
صرت انسان فاقد أعصابه
طول اليوم سارح في خياله
أفكر فعيون الغالي وأهدابه
ولا أبي غير حظنه وشفاهه
تكفه ياناس أبي لحظه أقابله
عشان أثبت عكس كلامه
اني شاريه وشاري حنانه
اني عاشق وعشقي سلامه
اني أحبه وحبي كل غرامه
اني أخاف يطول هجرانه
ياحبيبي واشلون أستوعب اني أخسرك بكلمتين
ياحبيبي ليه تصد عني وتخليني عايش بين نارين
شفني أقولها لك أنا أحبك آه بس آه لو تحسين
شفني قررت أنا أحبك مهما تسوين وتصدين
بكيفك اذا تبي فحبي تعيشين والا انك تنسين
بكيفك اذا تبي تحسي فيني والا انك تهجرين
يعني خسرت حبك ... بكلمة أحبك
يعني ذنبي حبك ... وجزائي اني أخسرك
الله يالدنيا ليه تكافئيني بالجفا
كل شي في حياتي بهجره انطفا
أنا خسرت حتى حنانه والدفا
والسبب اني أهديته كل الوفا
وقلت له اني أحبه .. وخسرت في الهوى حبه
لو ماقلت اني أحبه .. كان كسبت طيبه ووده
ليه قلت اني أحبه .. شفني الحين أذوق صده
ياقلبي ترى ربك كريم اللي خلقه يخلق غيره لا تتألم ولا حاجه
ياهنا وياسعد من فاز بغرام قلبي أنا أشهد انه بيعيش السعاده
للأمانه الادبية منقول
:: رسالتي لكمـ ::
نالت اعجابي كثيرا
برغم الالم و الحزن الكامن فيها
الا ان الامل كان يشع بين طيات حروفها
حاولت ان اجد صاحب الكلماااات
الا انني وجدتها جميعا بدون اسم
فمن خلال نشرها هنا
سأكتب سطوري التالية
لعل يوما ما سيبحث عن خواطره
و يجد ما كتبت اليه
شكرا لك ايها الاديب على ما نثرته
من كلمااات التي اتسمت بالبساطة و رقة
لقد سكنت وجدانني و كانني عشت معك الالم ذاته يوما
الا ان الامل الذي وجدته لديك سحرني كثيرا
و اعذرني على نشر خاطرتك بدون اذنك
تحياتي و احتراماتي
الأحد مايو 18, 2008 11:45 pm